圖/文 : 巴斯
冇錯，我係講過會換LG V20，傳説下月發佈嘛，講下唔比咩！唔需要發脾四下化..? 星期六早上開始呢個畫面冇限Loop，大小姐唔肯入主頁。
就算真係推出 V20，都要等到下月先發佈，係發佈而唔係推出啊~~~現在妳唔做野，我點算。上網八卦下，原來好多V10機主都有死機情況，心在想，萬一過了保養就慘喇，立即飛撲去掘返張單出來一看~~~~~好彩仲有兩個月，咁拿拿臨趕去修理吧。
到步後。。。。好多人喲，唔好講咁多，取票! A357即係排幾多個呢？票上印著輸候人數……….192人，噢撈！豈不是接近200人? 一分鐘一個都三個幾鐘呀，點等啊?
得，再拿過B票！但B票都要等20分鐘。埋到去出示單據，搞了幾下，開單，安排住院一星期，費用全免，發脾四只會加強我換機決心。這星期唯有用放入冷宮一段時間的LG G3頂住先。點解呢D事，永遠發生在我身上？
