圖 / 文 : 巴斯
過兩日到國內一星期，需要買一張數據卡，有以下三個必需條件，第一 : 要在國內唔靠翻牆上到 Facebook 與收發到 G-mail ，當然包括用到 LINE。第二: 要有 WiFi Tetherin 功能，方便透過 Wi-Fi 分享數據給跟身的平版電腦使用。第三: 容量在一星期內，最少要有1.5 GB 或以上數據用量使用。以上是三個基本條件，缺一不可，照慣例又是去鴨寮街問小商戶吧，上次用過中港數據快線數據卡， $180 港元有5GB，可用10日我其實用唔到咁多，加上今次想試下新野，老闆聽完我要求後，給我這張名為中港數據專家數據卡、盛惠 $100 ，有1.5GB用，老闆話同中港數據快線數據卡一樣咁好用，只不過數據量無咁多。
附費前，當然最重要係睇睇背面食用日期，萬一買了過期卡，無仇報啊~~~過幾日便出發去一個星期，這張卡食用日期去到出年，一定無問題啦。
打開包裝是如圖所見樣子。
 |
 |
教學印在當眼處，其實都係那堆設定，只不過 APN 輸入 mb 這兩個英文字母咁解。
卡背係咁樣的，支援 3G/4G，手上 LG V10 屬雙卡雙待，無奶油唔支援國內 TDD-LTE 吧，這張卡香港開通又得，回國內先開又得。
可見這張 Sim 卡可分成 Normal Sim，Mirco Sim 和 Nano Sim 。
LG V10 屬於雙卡雙待 Nano SIM 款式，右手邊早插著香港每日使用的 Nano SIM ，圖中左上角卡槽，正等待中港數據專家數據卡的插上，這張三合一SIM 卡，徒手便可把卡分離成適合LG V10 所用的 Nano SIM。
既然是中港都適用，而我又只用一個星期就夠，何不出發前就開通，開通之後再關閉，到時一到國內機場，在手機介面上一篤就立即使用，你話幾型呢。
好~~~為確保 100% 測試這張卡的使用狀況，先把香港卡關閉，然後開通這張中港數據專家數據卡，出發前在香港測速一下先~~無問題丫~~~咁究竟過了關又係唔係正常運作的呢? 係咪上到Facebook架呢？速度在國内又如何呢?待續……….
