晚飯後，NAS傳來密集嗶嗶聲，心知不妙。
 |
 |
在 Synology DS415 play 操作介面發現呢一句，噢撈~~~~
先把聲音關上，嗶到人家心都煩埋。
冷靜了解後，知道是四隻硬碟當中，其中一隻壞了，紅 Lable 都咁快死? 唔係化? 去年9月先購入啊。唔怪得睇相佬話我係電腦天煞孤星啦，真係好準，把出事硬碟抽出抽入，再開機進行修復，都係無用，放手吧，佢真係走左架喇，唔好難為佢，讓一切隨風。。。。
難道傳說中，唔好裝咁多軟件和圖片在電腦的傳說係真事? ^^ 紅 LABLE 硬碟都咁快死，條氣好唔順，但阿Q一點想，保用期內唔壞，難道希望過了保用期先壞? 咁想係咪會好一點呢? ^^
圖中可見操作介面上清楚表示正在發生什麼事情，更換硬碟是唯一做法。但我徧徧就是心存僥幸，希望不是死硬碟。這圖可見，紅字內容非常清楚指出一號硬碟發生什麼事吧。
而且在另一頁操作介面上，也清楚見到一號硬碟消失了，並用紅字交代。半夜三更，那裡有硬碟買呢? 雖然晚上暫時不需要用NAS，加上 NAS是資料保險工具，其中一隻硬碟壞了，係無事的，但你知器材壞了，心裡總是不安，希望早點解決。
睡前想起一首歌來…..鄭秀文腔 :
你已經不懂 怎麼怎麼方可以令我歡笑
其實你不關心 怎麼深宵哭泣你都不知曉
妳的思想中 怎麼一點都不注重我需要
心理輔導
好不容易等到早上，但電腦鋪未開門，找國仁做心理輔導，期間國仁提意把先天結構不足的 3TB 硬碟更換為4TB，我當然同意。但電腦店還未夠鐘開門嘛，唯有找精神寄托，早上10:00打去漢科，無奈迎接我是電話錄音，嗶一聲之後當然立即收線啦，唔通我講比錄音知我病情咩?心想，算啦，都係買硬碟換了吧，問咁多做乜?
漢科
1小時後，漢科居然憑來電顯示主動打回來，我把病情說完，師傅非常詳盡並體貼去一一回應我，還詳細告知我對換硬碟後的正確按入操作介面和位置，使我非常有安全感，呢個心理輔導值得一讚再讚，香港現在缺少正是售後服務，在這裡感激漢科，尤期那位有禮貌又貼心的師傅 (比美 Apple 技術支援 ) 感激你幫忙，今後都會盡量光顧 漢科代理產品。
4TB硬碟
向心理輔導員盡訴心中情後，時間也差不多出門口，國仁建議我購入這款緩衝記憶體 128 MiB / 轉速 7200 rpm 的企業級 Toshiba 4TB，理由是由兩隻2TB所組成的4TB硬碟，散熱空間比由三隻1TB所組成的3TB硬碟為好，而且強調摩打耐用好多，這款企業級 Toshiba 4TB正價要過仟元，公平競爭法下用正價先買到?無可能吧，去格價網睇睇，果然不需要過仟，但地點不適合我，我唔信黃金以呢個價買唔到。
結果? 正都賣晒，匯訊平過正價好少，最後在呢間用目標價買到，三年保用，開心。^^ 那一家? C字頭名店囉 ^^
唔知什麼C字頭?丫你~~~係都要畫出腸來。
買完當然飛奔回家變身成 Doctor X啦。^^
Music ~~~~~
由於先天結構關係，換硬碟全程無需要工具，只需用手指就可以更換到，方便到無朋友。
如師傅所講，在操作介面上篤篤篤，搞惦。
又正如師傅所派定心丸，修復期間，我依然可如常在NAS存取內裡資料，就正如現在，NAS正修復硬碟中，我依然可透過CAS播放內裡的歌，而且同一時間提取內裡圖片作執相用途。
正如國仁提到，新加入的4TB，我要把其他三個3TB都更換成4TB，方會用盡容量，但唔急丫，慢慢來， 起碼現在知到問題所在，並解決問題，然後再去購入另外的三隻4TB回來換上。新換上的4TB硬碟，需要大約一天的時間，方能完成修復工作，今早見到操作介面顯示，依然在修復中，唔緊要，唔阻我的。
結果兩日後，修復完結了。
