個人感覺世上最醜樣機套，莫過於皮套，相比起 VanNuys 所用黑色防彈尼龍布質料，VanNuys 靚太多了吧。這品牌是在我購入AK 240時所認識，當時在官方網頁見到內裡海量款式，真係目定口呆，產品全都是美觀又挺直的收納。當中包括當時最新推出的AK240，後來看看售價是………..給嚇跑了。
今次新寵 DP-X1 入門，八卦心態又來了，於是跑到 VanNuys 官網看看，果然也有跟DP-X1相容款式。
樣子不錯啊。
頂部開口不阻礙接入耳機，無論是 2.5 或 3.5mm 都無問題。
而且側邊也是開口式設計，要操作音量鍵或跳歌，問題不大。
底部同樣是開口設計，不阻礙 micro USB插口接駁。
睇睇個價位，6400円，仲未計8%消費稅。
6400円，即係幾錢港幣? 自己睇，提提你，仲未計 8% ( 512円 ) 消費稅，出門口實收6912円 ( 約 $482港元) 。
又唔識著燈，又唔識上鏈，連高科技電子零件都不如，接近 $500港元買個機套 ? 點比你呀?
係價值觀問題，去觀塘廣場買了呢個牌子的袋，好處是貼身，由AK240開始就用上，今次試找是否有合DP-X1用的Size? 結果如同DP-X1度身訂造袋，作為DP-X1機套。雖然左右兩側都不能開口，對跳歌或調節音量冇 VanNuys 咁方便，但其實要選專輯時，就算用 VanNuys，都是要抽出DP-X1吧，最重要係這個牌子只需$70港元就買到。
外觀上襯得起 DP-X1 ，我個人喜歡。
頂部跟 VanNuys 一樣可插入耳機。
背面有扣有穿帶，不過我不會掛腰，只會放背包內，所以用不著。留意左右兩個角位，美中不足是保護不到DP-X1的角位。
講返 VanNuys 這品牌，有好多正野睇到，好像呢個實用美觀又挺直的收納盒，好想擁有。
間和可自己組合。
你睇睇幾開心，不過我都唔玩流動耳擴，無咁多部機放。
唔單只可以橫放，打直放都可以的，點解打直放?
因為可以咁樣囉，係咪好型呢?
VanNuys 還有很多產品都好靚仔，有時間去官網走走，唔買都睇下喇喂~~~
