文 : 巴斯
上週所看電影，除了老笠是較滿意外，其他幾套都使我非常失望，這套樹大招風是其中之一。
預告非常吸引，尤其任賢齊做型，加上預告片尾段這一句，確實是一句撻著了我，很有道理，三大賊王，無可能唔好睇下化?
點知真係使我失望，明顯係我誤以為是會鎗林彈雨，大事件一樣咁緊張，我………想多了，片中鎗戰場面唔多，圖中呢幕都只係擺擺 Pose ，無開鎗的。
唔開鎗可以搞氣氛，就好像PTU，都不需要鎗戰場面，單靠氣氛便能得分，而呢幕氣氛我絕對收貨的，但之後就………….講講講，然後都係講，直到尾段還有一幕一家三口的場景，也是有一點氣氛可言，但都係無我幻想出來的大型鎗戰。
但我覺得這是我個人問題，因為我見大部份影評………….Sorry，係所有影評，都一致讚好，就好似蝙幅俠一樣，我覺得好差，人人都話正。但和我一起入場的朋友也失望，不過正所謂物以類聚，人以群分，朋友覺得唔好睇也不能作準的，所以其他人覺得好好睇係一點都不出奇。
咁又未到想離場咁解譜，只不過唔滿意淨講不打。
總之大家讚啦，只係我唔滿意吧，一句睇錯戲，講完。
