4月2日星期六，Viu TV 試播正式開始了，從新追台在所難免，早前剛從新追過明珠台，現在又追 Viu TV ，追台一向只係買新電視回來做一次就永遠唔需要再追，想唔到2016年這功能用多了 ^^ ，正所謂歌仔都有得唱，一追再追 追蹤一些生活最基本需要 原來早不缺少有了你 即使平凡卻最重要………..，立即利用 Magic TV 來為這個頻道從新搜尋一次。
 |
 |
整理頻道
早前利用 Magic TV 所提供的Beta 版軟件更新後，都見到原本在 Magiv TV 數碼頻道99台的 HKTV香港電視 ，被安排更改成199台，今次從新搜台後，99台便正式被 Viu TV 使用。正所謂新__ __ 三日香 ( 空格自己填丫^^ ) ，追台後第一件事，當然順手利用 Magic TV 的 整理頻道次序功能，把 99台Viu TV放在最頭頂位置吧。
 |
 |
EPG
搞惦~~~ Viu TV 排頭位了，在 Magic TV 操作介面上也可見到 EPG 節目表，而且可見節目表暫時可去到4月8日星期五，代表可預見這星期將會播放什麼類別節目。
 |
 |
圖中可見左手邊 EPG 所顯示的東京十人節目內容。但並不是所有節目都有提供這資訊，就以下一個節目戰國英雄為例，就是沒有資料可以看到。
錄影
最重要係咪錄得先，咁當然係無問題啦，預錄一下先，右邊可見，預錄ViuTV接受了。
遙距錄影功能
最吸引的節目永遠在茶餐廳發現，在街上啊~~係囉~~~永遠都係咁，點算?
所以遙距錄影功能對我身處街上要進行遙距錄影好重要，這日開始，在 Magic TV遙距錄影功能裡，都可見到 ViuTV 的節目表，好~~~錄返個節目，看看有無鑊先得。
搞惦~~遙距錄影功能，預錄又得，即按即錄又得，得左~~^^
前景
大家叫好的HKTV，當日只到中段咪又係被淡忘? 究竟 ViuTV又會有幾好睇 ? 幾好睇都無用，因為無得鬧，大家還是選擇邊睇邊鬧的TVB 比較好，最重要係睇完然後又可以話自己一向唔睇嘛。 ^^ 對我來講，有得錄影咪錄下囉，我相信總有一兩個外購節目好睇掛，加埋港台節目，都有一點點值得錄來睇，直播就無本事睇喇。可錄影好處，除了彈性時間重溫呢類廢話外，是可在家中以 55″ 電視收看高清畫面，而且萬一有好節目，可自行剪輯Keep 起作他日重溫，朋友來到也可以一步到位地拿出來播放。畫質方面，初步見他們自家制造的節目，或是外購節目畫質，都不比TVB 差，我個人是非常滿意。不過節目內容最重要，唯有等待即將推出的各個節目吧。屋企冇電視機？噢！咁唯有用app睇啦。
