剛剛踏入2016年，日本當地人氣朱古力品牌 ROYCE’ 一口氣推出多款朱古力產品，其中一款是特濃朱古力布丁。配上北海道牛奶與奶油忌廉，唔止香，還帶有超滑口感，2016年1月5日在日本全國發售，每杯售價150円(約港幣$10)， 連稅162円 (約港幣$11) 平到嘔，身在日本，唔食點對得自己住。1月8日到步，第一時間撲入 7-11 ，但失敗，賣清光，唯有再找，結果晚飯後在酒店另一家 7-11 冷凍櫃上找到。
光亮的藍色包裝非常搶眼吸引，透過手的比例可大約猜想到實物大小。
回到酒店食唔落，放入酒店提供的雪櫃保存，黎明金句，空肚食早晨後，再品嘗 ROYCE’ 特濃朱古力布丁，正到無朋友。特濃的朱古力味和超滑像豆花的口感最是難忘。
後來經過名古屋想多食一次，都係要找第二次 7-11 先找到，命中率屬少難度。不過………..係喇又到不過的時間，講到有難度，全屬廢話，今日開始，位於香港太古城 APITA 都有售啦，咁當然唔係賣港幣$11 啦，何況香港大部份人都知道呢隻係好野，有無咁多貨被搶到都成問題，分分鐘白行呢，如果買到就開心喇。祝我好運丫 ^^
