2016年 2月22日星期一，零晨 3:00 AM 後，TVB 84台 明珠台 用戶，必需要重新為這個頻道搜台，方可再次接收到 84台明珠台
而同時 翡翠台 與 高清翡翠台 分途廣播，當中我最關心的是 高清翡翠台會正式改名為 J5 ，改名自然內容會有所不同，有乜節目? 你熟過我啦，因為今日飛鼠幫洗版都係呢個節目表。大家鬧到反轉再反轉，其實……..大家都話平日無睇電視，佢播乜又有乜所謂呢?
對我來講, 希望只係試播節目表，如果長期係呢類節目，對我來講等於唔見了一個台，呢類財經節目，真係唔啱我 Channel ，我無買股票的 ~~~>.<~~~，更冇錄影必要，晚上雖然都有其他外購節目，但唔多，阿Q 一點來說 : 總好過無，唯有寄望星期六，星期日有多一點外購節目，到塒可預錄合眼緣外購節目吧，其實想清楚一點又理所當然，無啦啦，一夜之間，去邊度找咁多新節目出來填滿佢呢? 自己拍? 邊拍到咁多? 就算拍咁多都唔會咁樣派街坊掛。外購節目? 點解要咁做呢 ? 要買好多先填得滿節目表架播。所以無啦啦改革 ，內容一定唔會好精彩，失望就預期的了，不過都唔需要播普通話新聞節目吧，即係趕絕我咁解遮~~~~~~，其實大家可以點做呢? 不如加速決定，把心一橫買個盒子回來，咁咪大把野睇，唔需要鬧爆佢囉。
有關 Magic TV 用戶在 2016年 2月22日星期一，零晨 3:00 AM 後， 對 TVB 84台 明珠台重新搜台方式，可透過以下圖解得到答案。
如果你並非 Magic TV 用戶，可以去TVB 方官教學得到教學。
