有朋自上海來，留港一個月，2016年的世界，不可能無網絡用，朋友 iPhone 手機號碼不方便拆除，於是為這位朋友準備一份禮物，就是Wi-Fi 蛋，在眾多Wi-Fi 蛋之中，最後接納黃金地庫正都售貨員介紹，選擇華為 E5373s。賣點之一是這機屬於 LTE/FDD 150Mbps/ TDD 112Mbps 雙模機，也代表著中港都合用，另一賣點是最高下載速度150Mbps，上傳 50Mbps 。
 |
 |
開盒後可一目了然地見到盒內全數物品。
 |
 |
透過手的比例，可大約猜想到華為 E5373s 實物大小。
這是其厚度比例，在圖中所見是 micro USB 接口與兩個天線口位置。這機可同時支援11個用戶連接上網，能 LTE 4G/3G WIFI自動切換是理所當然的吧。
 |
 |
機身一角可見指甲位，目的是給用戶方便打開底蓋。
 |
 |
開蓋後樣子如下。暫不放入電池，先讓大家看看內裡佈局。
左上角有預設登入密碼和連接的 IP 。用家不喜歡，當然可修改自己喜好的密碼吧。
機內有兩組插槽，圖中左手邊是最高支援 32GB Micro SD Card 插槽，方便用戶作上傳或下載檔案作為存放空間，而右手邊自然是最重要的 SIM Card 位，這是屬標準大小的 SIM Card 。
放上電池後就是如圖所見樣子。
我見一般店鋪都以$700或以上售價發售中，正都以這個價錢發售，雖然我無去齊全港 19 區格價，唔知是否最平，時間關係，貪就手方便。
電池容量 1500mAh ，售貨員說大約可連續工作6小時，最長待機300 小時，由於朋友是遊客，每日早出晚歸是必然，只能提供連續 6小時運作，黃昏時候一定慘絕人寰，不想朋友多帶尿袋出街，於是向店員多買一塊後備電。售貨員說，他們沒有發售配件。一分鐘後………….，在 A Grade 配到，對 $700 港元一部華為 E5373s 來講，一塊電索價 $138，真係好貴呢，不過為了朋友，包起佢丫唔該，包裝背面有雷射防偽標籤，其實 A Grade 都夠照啦。
 |
 |
左手邊是跟機電，右手邊是自配電。為唔想把兩電搞亂，自配電貼上哈哈笑公仔，兩者外觀上的分別，左上角可見比較。
兩者背面更加有非常明顯不同之處。
4G 任用
Wi-Fi 蛋有了，豈能沒有數據卡呢? 順手去深水埗鴨寮街， 掘到呢一張卡，老闆話呢張卡可一口氣使用 30日，提供 4G網絡，無限速任用，並且可分享 Wi-Fi ( Tethering 功能 ) 。
咁利害? 幾錢先? 老闆話收費 $220港元，我覺得好似荀過龍，荀到我都覺得有無伏架?圍起上來幾錢一日？自己計丫唔該。
呢張卡連包裝紙都無，就咁得一張卡，係咪老闆所指咁開心，無試過真係唔知，完全信老闆講， 心想 : $220 唔得的話，最多買過張遮，唔死得人的，試下囉。比錢之前最緊要係睇清楚食用日期，朋友今日到港，卡上的食用日期無問題丫。
這是屬於三合一通吃卡，自己撕到合適為止。
Wi-Fi 蛋只吃標準大小 SIM Card，所以就咁整張放入就可以了。
 |
 |
跟機電試了無問題，自配電接上都無問題。
其實用尿袋充電也無不可，不過唔想加重朋友負擔，後備電池輕鬆好多。
究竟這張聲稱一口氣使用 30日，提供 4G網絡，無限速任用，並且可分享 Wi-Fi ( Tethering 功能 ) 的數據卡，係咪真係如老闆所講一樣呢? 定係一個伏呢?
待續………..