e☆イヤホン e-earphone ，是給我在耳機上最多幻想的一個地方，全日本四家分店，去了三家，包括大阪，秋葉原與渋谷，今次日本之旅來到最後一站名古屋大須店朝聖，那就完成心願了。
名古屋大須店面積可真不少，同樣行得好開心。
跟其他分店一樣，有修理部，同樣是開放式設計。
步入店內第一眼吸引我是AK380 正以 39 萬 9980 円發售中，但限定兩部。
.jpg)
日本格價網最平掘到，都要43萬8829円。
即係幾錢港幣? 兩者比較價錢的話，e-earphone 比格價網還要平 $2643 港元，有留意人民幣的匯價嗎? 國內朋友，用人民幣購買，真係開心到不得了。不需2萬3人民幣就可買到 AK380 ，真係幻想下都開心。
收銀處有免費書任取，好吸引呀，拿來在飛機上睇都好，印刷精美，今期封面有 Pioneer XDP-100R 與 Sony 非常搶眼的 h.ear on ( MDR-100A )。
大須店雜誌架無秋葉原咁靚，就咁平放就算，啊~~~~橋本奈々未今期做封面呀，算啦，封面吧，內容唔合我看，算~~
e-earphone 同時有新貨和二手發售，所以行得好開心，起碼發下白日夢都可以格下價嘛 ^^
大須店和其他分店一樣，都有二手區，貴價值的當然要鎖入櫃呢。
在這裡有我都想打佢主意的 Sony MDR-1A，她超易推，我在 bic camera 試插過入 LG V10 聽過，好輕鬆，聽流行曲非常夾，細細聲，大大力，眼前這個仲要係我喜歡的銀色。留意到卡片上提到有盒，屬完動品，而且有30日保養。香港商店全新行貨 $2200 買到，現在二手平一半……..唔……….都係再等下先。
二手 HD800 ，1萬8500円，即係幾錢港幣? 自己睇丫 ^^ ，卡片上可見有盒，屬完動品，仲有半年保養。可惜 HD800並唔係我杯茶，回想當日仲要係因為佢，使我誤解全世界耳機都係咁樣聲音，所以平都唔關我樹。
咁快AK380 就有二手出售? 唔係化? 卡片上所見，有盒，完動品，仲有半年保養。比起剛剛的兩部全新限定發售，再平2仟幾港元。
二手耳擴都有，其實平日在官方網頁都可看到二手貨的售賣表，無需要來到現場來先知有什麼二手貨，不過作為遊客，上來見到實物會開心一點咁解遮 ^^
睇中可以叫店員開櫃給你放在桌面上試聽，好開心架。
無咁貴重的二手貨品，跟其他分店一樣，安排掛在這貨架上任搞。
其他掛在貨架上的可以就咁拿上手看，上面清楚見到有關資料。
二手有得試，無奶油全新機無得試，日本絕大部份的店鋪，都提供海量機給顧客試聽，而且無論價位係幾高幾低，都是自取就可以了。
MrSpeakers’ETHER 都有得試，還在身邊放上 OPPO HA-1 耳擴試聽，當然還可以使用其他耳擴去配也無不可。
這位發燒友正試聽 HIFIMAN HE1000 與 MrSpeakers’ETHER ，由流動機到耳擴都一起試用。
其他區域同樣有位置給客人慢慢試，試到合適為止。
試得累了，可在這個自助茶水間飲免費咖啡，你話開心唔開心?
外面很冷，我光顧後都飲了一杯 Latte 先離開。
配件方面都有架~~你睇，好多發燒友都喜愛的品牌 Van Nuys 機套，大須店都可找到佢的區域。
其他配件都有。
耳機可以講試一日都唔完，反而你自己有無咁多時間去一一試聽呢?
乘地鐵來
乘地鐵 鶴舞線・名城線 來的話，去到上前津駅落車，在 9號出口上地面。
 |
 |
上到地面，如圖在左手邊上到地面，一直向圖中右手邊方向走，兩分鐘內就到達目的地，非常方便，無可能找不到。
見到嗎? 目的地就是這座大廈，看到龍的肚部位置嗎? 可見到橙色 e-earphone 招牌在二樓位置。
行到大廈大門口，可見到圖中最右手邊有上下升降電梯正等緊你上二樓。
入電梯前，可見到 e-earphone 是位於二樓的位置。
電梯門在二樓打開後，就可見到這個畫面，恭喜你，到步了。
第二入口
如果你本身是在大須觀光途中，來到万松寺通，如圖這個位置，依然是可以利用這個入口到達 e-earphone 的。
大門口水牌可以告知你答案。
入來可乘座這條扶手電梯到二樓。
上到來就可以見到呢個畫面，恭喜你，到步了。
