花鳥風月特別版

日本之行，Brian說要幫他購買一樽叫什麼響 17年的花鳥風月特別版日本威士忌，對於一個不懂飲酒的我來講，唔知點解要飲咁難飲的東西，所以遲到要罰飲酒，得罪人要整樽酒飲來懲罰，呢點我明白。近日酒更被評為致癌物之一。但。。。又有人話今日咁開心，一定要開樽酒慶祝。。。。，還有酒吧常聽到呢Round我請，咁大家就會歡呼！酒又唔知點解又會變成代表賞賜或獎勵，咁即係點呢？即係飲酒代表賞定罪啊，(星爺腔) 你搞到我好亂！日本酒去到香港售價又唔知點解高一倍。

唔理得咁多，Brian話買，咪第一時間向 Bic Camera 的賣酒區去。

在貨架上只能找到一款，其他款式的響都找不到。

步近一點看，難怪 700ml 每樽只售3880円 ( 約 $255 港元 ) 。因為~~~~都無年份，Brian 話無年份唔要，收隊~~~

失意的同時，一個轉身見到響17的50ml酒版，每樽830円(約$55港元) ，唔貴丫，大量供應，買點回去送朋友做手信都好，( C Me Ma 些) ~~~

講到日本威士忌在香港被炒貴一倍，這日行經大須區的一角，有店鋪接收呢類炒價酒，過境客都來這裡放酒。其實香港店鋪都會以高日本免稅店一倍價錢接收這類炒價酒，有不少人都會在日本買這類酒回港圖利。但是……………香港人不是對水貨客反感的嗎？點解現在又有咁多人去日本咁做架呢？唔明！唔明！太多唔明！子華腔 (世事很簡單，人類好複雜。)

在便利店能輕易找到沒年份的酒, 而且售價不貴。聽人家所講，沒年份的酒不值一題，飲杯酒遮，咁麻煩? 又係那一句，子華腔 (世事很簡單，人類好複雜。)

這日在白川鄉的合掌村，見到小鋪裡也有酒賣，唔需要整樽買，要一小杯也無不可。

你睇~~~幾開心，可惜我不懂飲，相信喜歡酒的人，一定會光顧一兩杯吧。

飲杯~~~~

後來經過一些賣清酒的專門店，當然沒有發售Brian 想要的威士忌吧。

但他們的樣子都很美啊，飲完的樽都應該留起啊。

在酒店附近一家賣酒專門店，終於見到有各款響的出現，但價錢……………..

圖中最左手邊的響17酒版，價錢牌上寫著1780円 (約$117港元)， bic camera 不是賣830円 ( 約 $55 港元) 一樽的嗎? 噢撈。飲杯酒遮。。。。唔需要咁下化？成功商人首要條件，明碼實價，公平交易，自由市場就是有這個好處，全無欺騙，願者上釣，~~~飲！

後來再去到另一家，見到同時有50ml的12年和17年的響酒版。

剛剛那一間酒鋪所發售的50ml 響17酒版1780円 (約$117港元)，這裡只是響 12酒版，索價就是1900円 (約$125港元)，響17酒版要2100 円 (約$139港元)，明碼實價，公平交易，自由市場。

最後在整個日本之旅尾站，就是成田機場候機室的免稅店，在這一家………….

在這一家的免稅店一角，我見到非常搶眼的飾櫃，上面有很大隻響字吸引我的目光。

飾櫃頂層我見到呢樽，售價 25萬円的 30年版本，不過賣晒了~~~ 25萬円日元約相等於 1萬6500港元。嘩~~~唔係化?咁貴一樽酒? 還要賣晒? 唔……….我要去睇睇心理醫生了。

再向下一層望去，太好了~~~終於找到響 17年的花鳥風月特別版日本威士忌了。我好自然打算向Brian 報喜，一舉機影相，立即被職員發現，他立即走過來問我有乜野可以幫到我，我個心當然想比我影晒全場D酒，就係幫到我囉 ^^ ，心想吧，我唔想佢覺得我白撞，表明來意要一樽，他於是叫我等等，咁佢轉身去拿他的存貨，我當然影埋我未影完的相啦。

最終能幫Brian 買到當然好開心啦，而且屬於Brian 第一志願價錢2萬円 ( 約相等於 $1320 港元 ) 。付錢時，職員要求出示機票，他在機票條碼上掃一掃，然後先收我2萬円。唯一唔完美的是店內有位樣子有點像篠原涼子的售貨員，如果由她來負責，咁就完美喇~~~

其實唔需要專程去日本買的，香港也有發售。飲杯~~~~~

順手在免稅店拿取簡介給Brian 留念。四月Brian 自己來日本買喲~~下次會買21嗎? ^^

響17簡介的背面有印上機場免稅店限量版字樣。