今次日本 14天行程裡，前段用了阿信屋7天外遊數據卡，餘下的7日行程，本來打算用我最有信心而且平靚正的富士卡，但一向黑仔的我，剛剛好富士卡就是沒有再推出，唯有試過其他卡。在眾多日本外遊數據卡裡，我最後選擇了呢張由EasyCall 代理的 3G網絡日本 7日 2.7GB數據量外遊卡。~~唔好被印刷上的價錢嚇親，唔需要真係付出 $238 先買到，在鴨寮街的店鋪，實收 $80 – $90港元不等。

---

每日限用 400MB 

嘿~~~封面上所見，每日限用 400MB 數據用量，噢撈，有無九菜? 上網要配給? 不過…….想深一層，我一日內真係用到 400MB 嗎? 返到酒店都有Wi-Fi架播，只係搵路，等車時收下相，貼十張八張相，400MB一日應該夠的，去旅行唔係去上網啊，不如試下呢張都好喎，好，就試你。

---

食用日期

背面付有首次設定教學。購買前最最最重要當然係第一時間睇睇食用日期先，呢張 4月尾到期，咁無問題丫。否則去到日本先發覺過期就無仇報了。呢張卡還提供電話號碼撥打，由於我用唔著，正所謂事不關己，乜乜物物。

---

打開包裝可見內裡的樣子，SIM Card 就在右手邊。

---

三合一

拉近一點可見這張 Sim 卡是屬於3合1設計，可分成 Normal Sim，Mirco Sim 和 Nano Sim，即係話所有智能手機或平板電腦都合用。

---

LG V10 屬於雙卡雙待 Nano SIM 款式，右手邊早插著香港每日使用的數碼通 Nano SIM ，圖中左上角卡槽，正等待這卡的插上，這張三合一SIM 卡，徒手便可把卡分離成適合LG V10 所用的 Nano SIM。

---

如圖這方向插入。

---

大功告成~~~

---

 Tethering 功能

Tethering ( Wi-Fi 分享 ) 功能對我來講是比較方便，習慣以手機為主，然後分享 Wi-Fi 給平板電腦使用，手機以找地圖和收看訊息為主，平板電腦用來把來自數碼相機照片，放大看完發相到 Facebook。整個包裝都無提示過有這功能，有點擔心，有關呢張3G卡上網速度和接收能力，在簡介上有提示到是用日本當地大家熟識的 Softbank，我相信都唔會太差……….

待續………