日本之行，無可能唔去各大連鎖百貨店八卦一下，掐指一算，FUJIFILM X-Pro2 剛在日本開完記者招待會，唔知店鋪有真機試未呢? 於是走到相機部看看，來到FUJIFILM的山頭………..
來到店鋪，哈~~~好搞笑，擺到明時間緊迫未有現貨，Dummy機都未有，摺個紙盒出來搶先見街坊！叻叻十個叻！啊~~~看真一點，原來正接受預訂中……….
宣傳小冊子早準備好了。不過放返低啦，放啦，仲唔放? 放低。
點解唔拿大本的?
定神看清楚，是2月18日正式見街發售，咁即係過了我們香港的農曆新年，有心人若想第一時間搶機拜年都無可能了。
一比一實物原大，紙品正呀，可燒比先人^^ 。手感如何? 比想像中輕，好膠…….Sorry，應該係好紙，手感非常紙囉，嘩哈哈哈~~~~
接受預訂並唔代表一定是公價，下圖所見，兩家連鎖百貨店所收預訂價，明顯並不一樣。
新宿東口 LABI 預訂價平一點，兩者相差港幣$996。以一部萬四港元的機，平接近一仟港元，你話多唔多呀?
不過香港地區剛宣佈定價為$13250 港元，加上公平競爭法下，大家應該唔難爭取到更靚售價。市場競爭大，當然想吸取客人的注意，樓梯都貼上有關的宣傳海布。
但。。。。係喇，又來到但的時候了，機體有中文操作介面嗎？日本本土一般發售相機，除海外版，大多會只提供日文操作介面，連英文都不提供，唔重要丫，日文你懂的。^O^ 如果唔懂日文的朋友，或者等有香港保養的行貨。不過唔係所有店舖都只賣日本本土版相機的，也有出售付中文菜單的海外版，有的話，當然大大隻字寫著，照顧埋返到祖家又有幾困難？一日未有真機親手試，點可能確保到100% 是否有中文介面呢?香港都出了售價，而且價錢相若，打日版機念頭可以收起來了吧。
唔需要追最新款機的朋友，不如買四年前的產物上一代丫。^^ 現貨，其實。。。一日未出新款，佢都仲係新款的，正所謂竹木草石皆可為劍，何況影張相遮 ，新舊款有乜所謂呢？^O^ 嘩哈哈哈~~~~
