今日以每個 $910 價位購入4TB 3.5″硬碟，由於没有格價關係，並不知這價位是全港最平，還是最貴，兩個硬碟分別屬於電腦 與 Magic TV 各一 。
何解在市場上眾多硬碟當中選這一款? 因為專業網站 : 電腦達人有以下這個評價 :
有興趣看全文的朋友，可到以下網址得到重溫。
按我進入重溫文章
購入4TB硬碟其中一個原因係位於客廳裡的 Magic TV 8000D 內置 1TB 硬碟爆滿了，係呀 2015年睇電視等於唔潮同老土，就算睇過的人都唔會話比人知自己睇過。但我唔係呢類人，我唔只睇，仲要錄，唔只錄，仲要錄爆。My TV 重溫丫嘛，明架喇，明架喇~~我喜歡在 50″電視上重溫高清畫質，何況唔係所有節目都有重温，就算有，都有食用期限。講到 Magic TV 換硬碟，有睇過 feversound 國仁文献都知道係非常容易的事。有興趣可到以下網址重溫 :
負責今次手術的人係……….大門未知子，又稱
Doctor-X
音樂起~~~唔該 ^^
位於客廳裡的8000D 早被放在手術桌上，手術工具準備好，而所需換上的器官都同時準備好，手術就要開始了。
電動鈚轉轉轉~~抹汗唔該，再轉轉轉，抹汗唔該………再轉轉轉，話咁快就成功開蓋了，就在呢個時刻開始，保養就立即喪失了，如果大家真係咁做就閣下自理。
 |
 |
而且互換機內零件也是非常危險的事情，家庭觀眾切勿模仿，輕則電箱跳揧，重則爆炸，身首異處，後果自負。
你洗唔洗講到咁呀?
原廠殖入體內的 1TB 硬碟是屬於 2.5 " 硬碟與新換入的 3.5″ 4TB 硬碟比較，雖然同屬 TOSHIBA，但無論在容量或體積上都有所分別。
把 Sata 連電源線與硬碟對換。
 |
 |
3.5″ 4TB硬碟，剛剛好放得下底坐，由於要固定 3.5″ 硬碟在底座內，鏍絲自然不能沒有，好彩手上有一些剩餘物資，剛好用得上。
 |
 |
完成了~~~~~~兩隻硬碟互換成功。
把接線一一接回 Magic TV 8000D ，接下來的程序，當然係格式化呢個新硬碟吧，依照以下選項一一去選就可以了。
 |
 |
 |
 |
 |
 |
經過幾分鐘的格式化，這個新硬碟就完成了殖入體內的過程了。
 |
 |
看看，這裡一共有四款硬碟。包括插在 8000D 背面的4GB USB 手指，還有早前設定好的網絡磁碟功能而見到位於發燒房內的 7000D ，和插在7000D背面的 8 GB USB 手指。
最後一步就係把 優先錄影磁碟 的預設，選為屬於 8000D 的系統磁碟後，就正式完成呢項手術，圖中可見，這新器官，可錄 624 小時高清節目，好開心呀~~~小容量USB手指係作為拆肉去骨剪輯精華後，方便拿到電腦去用。
大門未知子，係從來唔會失敗的~~~~音樂起~~~唔該 ^^
-p1.jpg)
開啟 Magic TV 網絡磁碟功能非常重要，有次我大頭蝦，無留意 8000D 的硬碟接近爆滿便離港旅行，回港後打算重溫節目，發覺 8000D 在我離港後三日就爆滿，節目理應無法再錄， 聰明的網絡磁碟功能，自動把餘下所有預錄節目，一一錄落去位於發燒房的7000D，呢種失而復得的心情，你係唔會明白的。
