藝術並無對錯，攝影領域裡更沒有對錯之分，點解影相一定要中焦? 你沒看過刻意失焦的靚相嗎? 點解影相唔可以手震? 你無見過靚的刻意手震相嗎? 色溫更加無分對錯，只分是否啱睇。出現在王家衛電影作品裡的色溫，唔需睇數據都知錯晒? 但啱唔啱睇? 非常啱睇~~大家日日用的 instagram ，成名咪又係因為佢有啱睇的瀘鏡比人用，所以咁多人用吧。星爺腔 : 咁梗係水晶膠加雙氧水啦，唔係我撩到隻字出來? 呢D野一早知架啦師傅!!!!
相機的白平衡功能，就是用來把被汚染的白色光線平衡回來，成像後啱唔啱睇，正正就係取決於白平衡後的色溫。一般手機白平衡都是自動，成像後色溫唔啱睇，唯有靠後製。一些手機如果有白平衡調校的話，會得心應手好多，就以 LG V10 為列，相機功能有提供各項調校，白平衡就其中一項可作手動調校的功能。上圖所見，操作介面右手邊的調校位置，冷暖色溫由 2400K 到 7400K 都可以手動調校。
左圖是 LG V10 自動模式下的色溫成像圖，我個人覺得唔啱睇，所以手動轉成右圖的 5700K色溫成像圖。同一部機，同一個時間，同一個環境，色溫不同，感覺並不一樣。
 |
 |
兩者之間，我選擇了 5700K的色溫成像分享，可能大家未必喜歡這個色溫，但這是我個人喜好，沒有對或錯，只有啱唔啱睇。
這是另一張圖片比較，機倉內的黃燈亮起來， LG V10 自動模式下的白平衡把色溫修正，使白色平衡起來，機倉修正來自黃燈汚染，LG V10修正到接近本來的機倉顏色，她是正確的，但唔啱我睇，所以改為手動，右圖暖色溫成像比較適合我，可能大家未必喜歡這個色溫感覺，這是我個人喜好，沒有對或錯，只有啱唔啱睇。
呢張剛好相反，看看左圖，LG V10 自動模式下的白平衡，對酒店房間的極黃燈光無反應，我影了幾張結果都一樣，於是用手動去調校白平衡，結果當然是右圖啱睇吧，事實上你幾時有見過酒店的燈看出來係白光管呢? 完全跟現場真實環境不一樣，這是我個人喜好，沒有對或錯，只有啱唔啱睇， 正所謂有得校唔校與想校無得校係兩回事。相機給你一個選擇權。
下圖為東京駅的夜景，左圖是LG V10 自動模式下的白平衡成像圖，白色牆身在黃街燈下被修正得到白色的平衡，她是對的，做到野，但唔啱我睇，經手動調校後拍攝，成為右圖。可能大家未必喜歡這個色溫感覺，這是我個人喜好，沒有對或錯，只有啱唔啱睇。
我比較喜歡這個暖色溫下的東京駅夜景。
下圖為英倫工業風格下的HMV店鋪內擺設，左圖是LG V10 自動模式下的白平衡成像圖，在現場黃燈光下被修正得到白色的平衡，她是對的，做到野，但唔啱我睇，經手動調校後拍攝，成為右圖。暖色溫下的皮氣出返晒來，可能大家未必喜歡這個色溫感覺，這是我個人喜好，沒有對或錯，只有啱唔啱睇。
下圖同樣是英倫工業風格下的HMV店鋪餐，左圖是LG V10 自動模式下的白平衡成像圖，在現場黃燈光下被修正得到白色的平衡，她是對的，做到野，但唔啱我睇，經手動調校後拍攝，可能大家未必喜歡這個色溫感覺，這是我個人喜好，沒有對或錯，只有啱唔啱睇。
英倫工業風格下的，我是比較喜歡暖色溫的表達。
