玩家庭影院玩到信報都拍門做專訪，12月30日星期三刊出了！唔係唔買份來睇下掛？題外話 : 乜家陣報紙賣 $8 份咩，我真係買米唔知米貴。
邊個咁巴閉? 家庭影院環境鬥士 Coma 是也，能在8呎闊，14呎長，面積 112平方呎內玩 9.6.8 ( 23隻喇叭 ) ，以300 磅隔音門，把總值 100萬器材封閉式內爆，真係開心死~~有人曾在遠古年代感受過 Coma 舊系統，與今日新系統比較，昔日系統出來效果比較亂而且聲音顯得一堆。現在層次分明得多。能在這面積操控到 ( 23隻喇叭 ) 並出到好效果，必定歸功於Trinnov Audio Altitude32 前級解碼，其賣點之一房間處理器功能，能優化先天惡劣環境，針對房間先天不足問題，利用房間處理器量度後，有效計算出優化調校，大大提升原有器材應有效果。另一方面，圖中所見投忍雞為售價$7萬7992 港元 Sony 4K 投影機 VPL-VW520ES，而眼前 Coma 所座梳化不是普通梳化，是市值 20萬港元的 D-BOX。
想親身感受什麼叫D-Box的話，香港嘉禾院線幫到你。
D-Box幾錢張票? 問得好，就以星戰7於荃新天地戲院為例，自己睇丫，睇3D的話罰多$30。
呢套 9.6.8 系統的代理米樂影音總經理 Ricky Chan 都有看這篇報導。
信報官網都有節錄版本，有興趣可去看看，又或者去 Coma 的 Facebook fanpage 收看都可以。
● 按我進入信報節錄內容 ● 按我進入Coma fanpage ●