話說 LG-V10 聽歌雖然在手機世界裡算係好選擇，尤其配合 32bit HiFi DAC 功能，這功能基本上都係要長開先能發揮到最佳效果，但受制於只能用跟機原廠 Player，用開呢個 Player 的朋友都知佢唔靚仔得來，最重要係廢到無朋友，本來用其他第三方 Player ，如 poweramp 或 Neutron 代替也無不可，但 32bit HiFi DAC 功能，並不支楥第三方 Player 。昨晚黃昏時收到紅人訊息，叫我立即去裝一個叫 DAC Fix for Enabled 的app，紅人叫到，我當然立即飛撲去安裝啦。呢個功能預設係關閉的，裝好之後，第一時間就係開返佢，當然如果用家他日唔想用，可以走返入來關閉也無不可。
第一時間用第三方Player poweramp 來播歌，當然在播歌途中去開關 LG V10裡的 32bit HiFi DAC ，終於有反應了~~以前係無任何反應的，現在得左~~~紅人果然好介紹。不過開啟呢項功能也是比較耗電，如果有後備電在手就無所謂啦。
再試 Neutron 與 ONKYO HF Player 這兩個大家常用第三方 player，同樣可與 32bit HiFi DAC 同在。
最重要係手機經常接觸到的 Youtube ，收看 MV 或演唱會時，由於訊源並不是太好，同樣地，之前這功能不能使用於Youtube身上，現在有 32bit HiFi DAC 功能配合一起，唔夠膽話起死回生，起碼無咁差呢。
有興趣的 LG-V10用戶，可利用手機到以下網址了解。不過要睇清楚他們所提到的免責條款，萬一部機爆炸，粉碎就與佢或我無關，我個人建議唔好裝，我講我自己裝了咁解，Ok ? 唔….2015年要咁樣同人講野真係好悲哀，不過又一定要咁講。