早前在東寶新宿影城被濃烈的氣氛深深吸引著，更想睇這套 007 第四步曲 SPECTRE ，無奈沒有中文字幕，唯有回港先睇。
事與願違永遠發生在我身上，終於有機會夾到時間在圓方六號院欣賞電影，但呢套電影本身正好並不屬於 Dolby Atmos 聲效。
正如 Daniel Craig 明明是 Rolex 收藏家，手上擁有不少Rolex，但代言的偏偏就是………今次呢隻錶在片中都有佢實用性的。
圓方的氣氛當然不夠東寶新宿影城好，阿Q一點 : 人少少咪仲好……..~~~>.<~~~
沒有Atmos ，有震動椅算係咁，屏幕又夠大，唔可以荷求了。
第四步曲，跟 Skyfall 導演一樣，都是 Sam Mendes。
第一女主角邦女郎係…………..佢，業積? 自己睇丫。
圖中所見 mission impossible 4 的她給我感覺和表現只屬一般，來到今次以邦女郎演出，唉……….我其實唔係好知她的表情究竟想點。
Monica Bellucci 在片中雖然勉強算係邦女郎，係比較老左D，但某一些唔係咁光的位，都好睇過 Lea Seydoux 。
正所謂一蟹不如一蟹，要數我最喜愛邦女郎，必定係 Die Another Day 裡出現的 Rosamund Pike。
個人評價
SPECTRE 應該係完結篇了吧，也是四集裡面最差的一集，開頭是非常好的，尤其導演刻意拍出一個鏡頭落的場景，看得出很有心機拍攝，但中後段就慘喇，未至於離場，但係等散場囉。如果再給我多一次機會，我未必會入場，就算入場都只係因為頭段的精彩片段囉。邦女郎的表現完全唔係我的口味， Daniel Craig 雖然一樣咁型，叫做有部戰車飛下咁，但係個劇本太差，尤其結尾，真係想講句有無九菜~~~加上片長 148 分鐘，接近兩個半小時呀，真係需要咁長嗎? 兩個字…..失望。
散場後照例到對面的HMV走轉，一看是否有推出電影原聲碟，嘿果然不出所料，真係有，咁又點呢? 會買嗎 ? 不會。
唔打CD主意，好自然就會向 TIDAL 埋手，結果當然無失望啦。內容當然無我最喜歡的大師咁好聽啦，但都還可以的，TIDAL 用戶不彷試試。 
被困兩小時，不如睇預告算啦。
VIDEO