日本旅痕期間，收到紅人密令。
我地呢D做細的，當然第一時間為佢撲呢，他説只在Tower Record有售。呢日去渋谷朝聖。
第一站當然直去Tower Record，為爭取時間 ，直接問樣子有點像大島優子的女職員，她立即在電腦上查找，表情快過言語，由她表情可知道答案是。。。對不起賣哂。
咁幾時再返貨呢？唔知。最後求佢幫我查下電腦其他就近分店，那一家仲有貨。佢在電腦搞一大輪後，叫我去新宿分店找找，我問她見唔見到電腦內顯示有幾多隻，她説不知道,她解說是為我查最近分店位置，不是查分店那家有貨，激到我呢…..
想唔到真係咁好賣，心急的我開始感受到缺貨壓力，唯有飛撲去新宿，幸好我正使用JR Rail Pass (JR周遊券)，可不限次數出入JR，距離山手線三個站之隔的新宿。一出站正是目標 フラッグス Flags ,在大厦 7-10樓都係Tower Record 版圖，圖中可見JR新宿駅與 フラッグス Flags 兩者貼近零距離。
水牌冇講黑膠屬於邊一層，唔理了！就7樓啦 ，向7樓樣子有點像新垣結衣女職員表明來意，她在電腦前搞一大輪後，叫我上9樓找。嘩。。。我真係想死。。。。
又等升降機上到9 樓，向樣子像絢香女職員表明來意，由她的表情看得出，她想揾同事救佢，好明顯她唔係呢個部門的人。最後我呢個波就交了給一位樣子像山下智久男職員，由於交波前他倆互相指手畫腳過，所以我可以講少一次來意。
男職員在電腦前篤了兩分鐘，真係兩分鐘，篤咁耐我心知不妙，他突然離開電腦，行了五步，來到呢個貨架找，篤咁耐電腦，原來在腳下找？你覺得他像山下智久嗎？你可以理解我描述過的女職員吧。嘩哈哈哈。。
十秒後。。。。
能買到給紅人，其實我開心過佢！决定把呢隻黑膠送給他，平時都唔知送乜野比佢做生日禮物，他什麼都有，亂買東西只會變成他的垃圾，難得他真心喜歡，就當未來十年的生日加聖誕和新舊曆新年禮物啦^^