上月開始，跟身的 LG G3手機，一影相就自動Reboot，經自行洗機後，好少少，影10次有1到2次咁上下，有時也無固Reboot。昨日早上開機，Loop死在LG音樂開機畫面，冇法進入主頁，唉。。。。要入院了。睇返保養。噢撈！！！有冇咁巧合啊~~~~
等了接近半小時，接待員聽完我講病徵，當場判斷係電池老化所至，跟手就對換佢手上健康電池來試驗，接待員為爭取時間，等待重啓手機期間，立即拿懷疑有問題電池去給修理部查證，
回來後，手機己正常運作中，該電池由師傅證實是老化。我再替換手上後備電池，同樣運作正常，不需分毛，問題得到解決，屍伏晒~~~。好奇問接待員點解咁醒目，原來這事早發生在她本人身上，所以一聽就明，如果近日你LG手機有同樣問題，可試下換電池丫。
接下來當然就係去買返個電池吧，來到黃金地庫 A GRADE ，這裡有齊LG原廠電與信心 副廠電 MOMAX，
兩者售價比對只差$20。
兩者雖然售價只差$20，但我還是購入副廠電，理由? 因為正當我想出手時，唔知點解，腦海突然出現劉美君一首歌詞。放低，願你把身體放低，縱使沒法把心窩放低唔……我幻聽開始去到思覺失調地步了，因為接著就是 Sarah Connor 跟我說話 : Skynet 有得平。
的確，透過Skynet 打幾隻字格價找到最平$98行貨，兩者差價 $53 之多。但……….睇清楚店鋪位置，擙撈~~藍田?拜年先會去的地方，即係唔關我樹呢。
就係咁， LG G3 又可以再服役到年尾，希望到時真係有傳說中的 G Pro 3啦。頂住呀 G3………….
