|
做 Show 可以去到幾盡 發佈日期 : 2014年 7 月5日 圖 / 文 : 巴斯
國內朋友，請用以下視頻收看 http://v.youku.com/v_show/id_XNzM1ODAxNTA4.html
300磅運輸 做 Show 可以去到幾盡? 睇國仁就知喇~~以為舉行一個 耳擴 / 耳機 Show，就可以由得參觀者在場地自生自滅了事? 未免太睇小國仁吧，為發揮 OPPO HA-1 潛能，國仁在他所主講的 OPPO HA-1 / PM-1 體驗會，實行玩盡 HA-1。 他私人問專門做音響工程的公司借來輸出 200W的有源喇叭，目的只係想給出席人仕一個交代。 運輸分成圖中所見兩車，一車係喇叭腳架，另一車自然係兩隻共重 96kg ( 212磅 ) 有源喇叭， 兩個箱加兩隻腳架，連同兩隻有源喇叭，粗略估計都有300磅啊。 星期五送貨去 Feversound.com， 星期六放假日，唔該自己搬去會場丫。
我本將心照明月 奈何明月照溝渠 我個人非常不明白國仁點解要咁做? 付出咁多，真有人會欣賞，會明白咩? 大家來聽耳機，吹下水嘻嘻哈哈過了咪算囉。 好不容易由國仁公司上上落落，搞到一頭煙，終於來到酒店場地。
唔好望住我，你望住兩隻共重 96kg ( 212磅 ) 有源喇叭吧，做啦啦隊我可以，苦力就唔好搞我， 萬一跌落地，十萬港元我賠唔起，都係那一句，搞場 Show真係要去到咁盡? 一人做事一人當，我負責影相架 jack，你失手我就有圖有真相咁報導喇喂。
國仁先把腳架由箱內提出，並把四粒腳接上。
然後在四隻角放上大家熟悉，對固定喇叭很有效用的寶貼萬用膠。
得到在場一位工作人員幫助，國仁和他合力把兩個有源喇叭放上腳架，國仁再把網罩移走。 激氣~~相機早設為連拍模式，他居然無脫手，報導夢碎 ~~~~>.<~~~~ 唔怕，仲有清場時有多一次機會脫手，希望在明天丫嘛，明白嗎? ^^
只需接上電源線並用平衡線接到 OPPO -HA1身上就完成， 接下來是開聲，國仁細心在有源喇叭上作出調校。
來回皇帝位與喇叭數次， 最後國仁調校到輸出在中間多小小 (
一點鐘方向 ) 位置，完成設定這對喇叭工作。
終於完成接駁和調校工序了。
這套 OPPO HA-1示範解碼與前級組合部份，其接駁正如上集所提到， Mac Book Pro 以 USB 線連接到 OPPO HA-1作為訊源，再利用平衡輸出直達 PMC IB1SA 有源喇叭。 國仁利用 Remote 這個 app作為操作播歌介面。
酒店多功能廳，擁有 900呎面積，無可能用一對書架喇叭填得滿吧， 就是因為這個理由，國仁必需要找來有能力應付這個環境的喇叭，同時也能中性地重現
OPPO -HA1 原音。
由於有源喇叭的關係，國仁可演示給在場每一位朋友知道 OPPO HA-1 作為一部前級與解碼的能力。 更詳細講解 HA-1在前級功能上，並不是純 Digital Volume 咁簡單。 在場的朋友聽過效果都很了解效果有幾抽得，人聲有幾立體，如果唔係借來呢對喇叭，又點可能演示到 OPPO HA-1 前級的能力呢? 真係一個上佳的演示方法，值得一讚。
有源喇叭接上電源，再接上平衡線到 OPPO HA-1， 來自 Mac Book Pro的高質素音樂檔就發能發聲了。
看到大家在會後不是鳥獸散，而係紛紛走前來作進一步了解， 我本將心照明月 奈何明月照溝渠 這句話並不成立了，我自己都很回味當日的效果，無論是打斷鼓棍的 Dynamic Sound Power Test， 又或者係鄧麗君與陳慧嫻甜美人聲，相信出席當日的每一位朋友都會同意。 國仁所付出，是值得的。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
