免費 WiFi 

發佈日期 : 2013年 3月24日    圖 / 文 : 巴斯

 

NTT EAST 東日本剛推出以 14日 ( 連續 336 小時 ) 期限的免費 WiFi上網卡,送給到步旅客在日本使用。

方法只需旅客來到專柜,出示護照就可以擁有,近日打算去日本的朋友要多加留意啊。

香港人如果去東京旅痕,多是在成田機場二號客運大樓 B出口出閘,而這個專柜,就是在 A出口對開的位置。

圖為專柜樣子,仲咁多搶眼字,無理由睇佢唔到,地方非常闊落,方便一堆人埋去都頂得住。

 

圖為專柜與 A 出口相距的實況,而香港人多是在 B 出口出來的,

而 A與 B 相隔只係大約四部巴士距離,睇完呢張相,要你由B出口找這個專柜,一定難你唔到的。

 

職員懂英語,會向旅客介紹點用,也會比份簡單的旅遊問卷給旅客填,亂咁Take又好,想清楚先Take 都好,總之填完就得到 Wi-fi 卡架喇。

不過咁,呢個專柜唔係 24小時運作架。

運作時間:正午12時 至 晚上8時

而且只限 A閘口開放時,佢先會一起運作,否則去到會摸門釘。

 

圖為免費 14日 ( 連續 336 小時 ) 期限的 WiFi上網卡包裝。

打開之後,可見到內有中英文教學。

 

所謂 Wi-Fi 卡,正如圖中所見右手邊的卡紙。看到有 ID Password 這個字樣嗎? 

無錯,她並不是一張用來插入手機裡的卡,

如果真係咬文嚼字的話,應該係獲得有效期為 14日 ( 連續 336 小時 ) Wi-fi 密碼,其實只係比個密碼你。

 

用手指甲可挑起貼紙,密碼就會出現眼前,

如果無手指甲,錢不是全能,但萬能是鐵一般的事實,今次都唔例外。

  個人評價 

     其實有乜好評價呢 ? 跟我大大聽讀一次 : 免費送出

係喇,重點係免費,你有什麼不滿,唔該收聲,送比你都唔滿意? 

 

希望你能明白,呢張係 Wi-Fi 卡,並唔係3G 卡,唔係收到電話,就上到網,即係無熱點就上唔到網。

想就地正法在機場即刻用 ? 對不起,剛剛好身處呢個專柜的成田機場係無呢個熱點的。

於是職員就會問我現在打算去邊,我答他新宿,於是他就打開張屬於新宿熱點地圖我睇,

叫我去到新宿時,依照地圖上指定熱點,做第一次開通,先去指定的一個網址,輸入上述提到過的密碼,

完成之後,每次打算上網,就走去熱點附近.......................,睇清楚張熱點地圖,成個新宿區咁大,20個熱點都唔夠,

接下來你知我有什麼不滿啦,咁上網法,你慢用,我來旅痕,唔係來玩上網的。

咁搞法用中國聯通櫻花卡,限速 384kb,一星期 15GB,港幣$268 ( 平均每日$38 )  

唔係有錢買機票,無錢上網下化?  起碼唔需要四處搵熱點。

櫻花卡係屬於中國線路,就算身處日本,都係上唔到 Facebook或  Twitter 的 ( 不過如果你識得翻牆咁就無問題 ) 

何況返到酒店用酒店的 Wi-Fi 都可以上到Facebook丫,但點都好過下下有熱點先用到掛?

不過佢都唔係好得好多,話就話限速 384kb,因為她的網絡經過好多路程,好多時是處於龜速狀態,

發下 Whatsapp ,或者搵地圖還可以,想用大流量,如動新聞或 Youtube 就發夢先得。

中國聯通櫻花卡 OK 便利店有售。

我個人唔建議旅痕仲要在條街低頭望住部手機,去旅痕當然係四處觀察下有什麼新奇得意的事物,

上網可以夜晚返到酒店房上到夠為止,今時今日睇怕都無邊間酒店無得上網掛?

無謂座飛機來到日本街上,都要望住部手機掛? 如果做人做到咁都真係幾悲衰。 ( 搵路例外 )

好~~我就吠完喇,有興趣可到以下網址進一步了解這贈品。

http://flets.com/freewifi/hk/spot.html

 

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。