大榮華酒樓

發佈日期 : 2010年 8月18日     圖 / 文 : 巴斯

呢日跟朋友去了元朗一間好好味又吸引的酒樓食晚飯，

這個菜單最最最吸引是 100款菜式、每款都係劃一價 $58，好正!!!!

我們七個人，未能食盡所有好味的菜式，下一次一定再來呀~~~

由於價錢唔貴，加上味道好，所以每晚都好多人，這晚是星期日晚，就更加多人啦，

訂位 ?無呢項服務，唔該自己排啦 ，就算係排，都要人齊先，否則都會係人齊優先架。

呢度無名貴菜式，只係街坊經濟菜，裝修不會太豪華，但食得舒適，待應也有禮。

$18 三枝

呢度除了菜式經濟價，所推介啤酒都係好經濟架!!!!!

你睇，呢度所見三枝細啤，都只係收你 $18 ，唔只用冰桶裝比客人，仲加送多一罐添，你話喇~~~去邊度搵。

豬油撈飯

呢間由滔滔所開設的酒樓，其中一款最出名，就是豬油撈飯。

又提健康? 唔好咁悶啦，我一陣係咪可以平安返到屋企都成問題，仲講健康?何況又唔係日日食。

如果叫豬油撈飯的話，就會有一枝頭抽和一枝豬油放在桌上任你倒，任你撈。

砵仔飯

來喇!!!來喇~~~~出晒煙的砵仔飯來到喇~~~個賣相好得囉~~~

留意飯係一粒一粒的。

半匙豬油  一匙頭抽

待應教路，每一砵飯，係以半匙豬油，一匙頭抽的比例來撈飯就最適合。

不過各人口味不同，都可以自己加多或減少。

唔...........在出晒煙的飯粒上，先倒入半匙豬油。

再依照待應所講，把一匙頭抽都倒在飯粒上，然後撈撈撈~~~~

嘩~~~~~好香呀~~~~

留意左圖的遠處................

梅醬一字排

呢款菜式名叫梅醬一字排，你淨係睇個樣丫，靚成咁樣，

我話比你知唔好食你都唔會信啦。

用呢個梅醬一字排來配合豬油撈飯，好味到呢...............

你睇~~~~死味?

我依家寫寫下都仲回味緊啊~~~

圍頭五味雞

跟住呢個用雞碗上的菜，個名叫圍頭五味雞。

肉質好滑，一定要向佢的大脾埋狠狠咁咬呀~~~~~

　XO醬西芹炒豬天梯

豬天梯，是豬上顎的軟骨，人的天梯即係我們講個 啦 字時，舌尖所觸之處，就稱之為天梯。

而呢個就係豬天梯喇。

中國人真係識食，連豬上顎的軟骨都可以做成一道菜，

如果是洋人的話，一早就棄到垃圾桶去了，他們點可能想像到能做成一道咁好味的菜式呢?

豬天梯入口好爽，西芹係不錯的配菜。

雞蛋焗魚腸

呢款雞蛋焗魚腸，係砵仔上，賣相當然得啦。

你睇D顏色就口水流囉~~~~如果喜歡的話，可以加多少少胡椒粉。

空口食雞蛋焗魚腸，當然無配飯一起食咁好啦。

豉椒味菜炒鮮魷

呢款豉椒味菜炒鮮魷，最刺激係味菜，

而且味菜好大塊，好食到係停唔到口果隻...............

　枝竹炆牛筋腩煲 和 菠蘿生炒骨。

兩款都好好味架，而菠蘿生炒骨好脆又香口。

椒鹽羊架 不會酥，依然保留有羊肉內應有的味道，平日因為怕酥而不食羊的朋友，可以試一下這個。

另一款就係桂花蟹肉炒魚肚，都係配飯好好味。

成張台都係美味的食物，好開心啊~~~~~

最後所有菜式都清晒，一件不留。

奶皇馬拉糕

最後來到甜品時間，呢度最出名係圖中所見的，一籠 8件上的奶皇馬拉糕，

上來的時候係剛剛蒸好，出晒煙，用手係好難取出來的，要用筷子。

奶皇馬拉糕 鬆軟又好味~~~~如果這家酒樓在我家附近的話，我相信日日食呀~~。

糖水係送的，就係以下兩款。

我喜歡右手邊的一款多一點。

好回味這店食物的味道，下一次會再來試埋其他今次沒有叫過菜式。

例如 : 拖地叉燒，梅菜心蒸豆腐，鮑汁魚唇玉掌煲，南乳花生炆豬尾，蜆蚧薑䀉牛肉煲.................

大榮華酒樓地址 : 元朗安寧路 2- 6號 2樓 不設訂座

查詢電話 : 2476 9888

拖拉互動地圖

如果你唔清楚德發商場位置，

可用滑鼠參閱以下的拖拉圖，了解附近的環境。

用滑鼠按實圖片後，再上下左右拖拉圖片，就可以360度球形觀察到附近環境。

　

　


檢視較大的地圖

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。