大荣华酒楼

发布日期 : 2010年 8月18日     图 / 文 : 巴斯

呢日跟朋友去了元朗一间好好味又吸引的酒楼食晚饭，

这个菜单最最最吸引是 100款菜式、每款都系划一价 $58，好正!!!!

我们七个人，未能食尽所有好味的菜式，下一次一定再来呀~~~

由于价钱唔贵，加上味道好，所以每晚都好多人，这晚是星期日晚，就更加多人啦，

订位 ?无呢项服务，唔该自己排啦 ，就算系排，都要人齐先，否则都会系人齐优先架。

呢度无名贵菜式，只系街坊经济菜，装修不会太豪华，但食得舒适，待应也有礼。

$18 三枝

呢度除了菜式经济价，所推介啤酒都系好经济架!!!!!

你睇，呢度所见三枝细啤，都只系收你 $18 ，唔只用冰桶装比客人，仲加送多一罐添，你话喇~~~去边度搵。

猪油捞饭

呢间由滔滔所开设的酒楼，其中一款最出名，就是猪油捞饭。

又提健康? 唔好咁闷啦，我一阵系咪可以平安返到屋企都成问题，仲讲健康?何况又唔系日日食。

如果叫猪油捞饭的话，就会有一枝头抽和一枝猪油放在桌上任你倒，任你捞。

砵仔饭

来喇!!!来喇~~~~出晒烟的砵仔饭来到喇~~~个卖相好得啰~~~

留意饭系一粒一粒的。

半匙猪油  一匙头抽

待应教路，每一砵饭，系以半匙猪油，一匙头抽的比例来捞饭就最适合。

不过各人口味不同，都可以自己加多或减少。

唔...........在出晒烟的饭粒上，先倒入半匙猪油。

再依照待应所讲，把一匙头抽都倒在饭粒上，然后捞捞捞~~~~

哗~~~~~好香呀~~~~

留意左图的远处................

梅酱一字排

呢款菜式名叫梅酱一字排，你净系睇个样丫，靓成咁样，

我话比你知唔好食你都唔会信啦。

用呢个梅酱一字排来配合猪油捞饭，好味到呢...............

你睇~~~~死味?

我依家写写下都仲回味紧啊~~~

围头五味鸡

跟住呢个用鸡碗上的菜，个名叫围头五味鸡。

肉质好滑，一定要向佢的大脾埋狠狠咁咬呀~~~~~

　XO酱西芹炒猪天梯

猪天梯，是猪上颚的软骨，人的天梯即系我们讲个 啦 字时，舌尖所触之处，就称之为天梯。

而呢个就系猪天梯喇。

中国人真系识食，连猪上颚的软骨都可以做成一道菜，

如果是洋人的话，一早就弃到垃圾桶去了，他们点可能想像到能做成一道咁好味的菜式呢?

猪天梯入口好爽，西芹系不错的配菜。

鸡蛋焗鱼肠

呢款鸡蛋焗鱼肠，系砵仔上，卖相当然得啦。

你睇D颜色就口水流啰~~~~如果喜欢的话，可以加多少少胡椒粉。

空口食鸡蛋焗鱼肠，当然无配饭一起食咁好啦。

豉椒味菜炒鲜鱿

呢款豉椒味菜炒鲜鱿，最刺激系味菜，

而且味菜好大块，好食到系停唔到口果只...............

　枝竹炆牛筋腩煲 和 菠萝生炒骨。

两款都好好味架，而菠萝生炒骨好脆又香口。

椒盐羊架 不会酥，依然保留有羊肉内应有的味道，平日因为怕酥而不食羊的朋友，可以试一下这个。

另一款就系桂花蟹肉炒鱼肚，都系配饭好好味。

成张台都系美味的食物，好开心啊~~~~~

最后所有菜式都清晒，一件不留。

奶皇马拉糕

最后来到甜品时间，呢度最出名系图中所见的，一笼 8件上的奶皇马拉糕，

上来的时候系刚刚蒸好，出晒烟，用手系好难取出来的，要用筷子。

奶皇马拉糕 松软又好味~~~~如果这家酒楼在我家附近的话，我相信日日食呀~~。

糖水系送的，就系以下两款。

我喜欢右手边的一款多一点。

好回味这店食物的味道，下一次会再来试埋其他今次没有叫过菜式。

例如 : 拖地叉烧，梅菜心蒸豆腐，鲍汁鱼唇玉掌煲，南乳花生炆猪尾，蚬蚧姜牛肉煲.................

大荣华酒楼地址 : 元朗安宁路 2- 6号 2楼 不设订座

查询电话 : 2476 9888

拖拉互动地图

如果你唔清楚德发商场位置，

可用滑鼠参阅以下的拖拉图，了解附近的环境。

用滑鼠按实图片后，再上下左右拖拉图片，就可以360度球形观察到附近环境。

检视较大的地图

各师兄与朋友，这篇文章，如非商业用途，欢迎转贴再转贴，如需借图片使用，

请自便，但敬请不要抹去图中的 avbuzz.com签名字样，感激感激再感激。

◆   avbuzz.com精神，人人毒我，我毒人人 ◆

　谢谢收看这篇文章，你是第 个收看这篇文章的读者。