炒腸粉
發佈日期 : 2010年 6月22日 圖 / 文 : 巴斯
今次 Tino 和大家來到介紹荃灣一間茶餐廳特式食品。
幾份餐牌都是平日大家所見的一樣，但其中一張上寫著特式炒腸粉。
平日我們在酒樓煎腸粉就食得多，炒腸粉都係第一次聽。
所以就要一試喇~~~
Tino挑選了魚香茄子炒腸粉和麵醬豆角炒腸粉。
你睇~~~好吸引呀~~~~
Tino 留意到牆上寫著五花茶，於是多口一問，究竟是紙包裝，還是自家煲的呢。
一問之下，原來是自家煲，當然是要一試喇~~~~
哈~~~個杯好地道下啊，不過好好味呀，唔會太甜，保証好過紙包化學飲品。
我問Tino 點分煎同埋炒呢?
Tino話煎的話，每件腸粉唔會好似依家咁全條上了豉油色，而且煎的話，腸粉表層會焦焦地，唔會好似現在咁光滑。
Tino 說炒腸粉功夫唔到家的話，腸粉會好容易爛。
兩款所叫的炒腸粉都好香同好好味。
不過就好油，口感就似炒河粉，不過就好食過炒河粉。
 |
 |
如果有緣經過呢度，可試一下喇~~~~
鴻利茶餐廳
荃灣荃德花園 D座地下 8號舖
查詢電話 2498 4198
營業時間 7:00AM - 10:00 PM
拖拉互動地圖
下圖所見，右手邊有條行人天橋，一直上行人天橋，碰上分岔口唔好轉任何灣，依然是直去。
離開了天橋之後，盡頭就會有巨大指示板架喇~~~
如果你唔清楚位置，
可用滑鼠參閱以下的拖拉圖，了解附近的環境。
用滑鼠按實圖片後，再上下左右拖拉圖片，就可以360度球形觀察到附近環境。
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。