Vivica 東京遊記 第二集

發佈日期 : 2008年 10月16日

  Model : Vivica

圖片 / 撰文 : 巴斯

歡迎收看東京遊記,來到第二集,Vivica 繼續和大家分享日本自由行的樂趣。

在七日行程去過邊度玩,有什麼好食的地方,在旅遊時要注意什麼,都一一和大家分享。

機票與酒店

 乘飛機去日本的航空公司有幾家選擇,分別是國泰,日航,全日空,西北航空,她們機票價錢差不多,

但國泰和日航,很多時候都會連同酒店一起做特價。

另外,全日空有零晨一點幾由香港起飛,晨晞約六點幾到達日本羽田機場,好處是爭取玩的時間,缺點是會唔夠時間休息。

而西北航空每早 8:00有唯一的一班機飛日本。

無論你選擇那一家航空公司,訂機票時,可選擇酒店連機票的套餐,不喜歡的話,也可選擇自己喜歡的航空公司和酒店分開訂。

自己唔想煩的話,可以去任何一間你信得過的旅行社,代訂酒店連機票的套餐。

一口氣講出你想停留的時間,要求酒店房租的價錢,他們就會為你砌惦佢為止。

 一般單人房,每晚最經濟的也要約港幣 $600-700 ,以酒店來講,算是最基本的收費了。

就以這一次七日的旅程為例,乘國泰來回機票,連六晚酒店,單人計算的話,這個套餐港幣約 $7000上下。

一向都是選擇國泰航班,而她的柜位正好是屬於機場大樓左手邊第一行,很容易找到呢,

B 和 C 行就是她們的柜位呢~~~

長途電話打返香港

來到日本,到步後第一件事,當然係打電話返屋企報平安啦,

在日本要用手機,你的手機必需要係 3G功能電話,

你唔一定係 3G月費計劃的客戶,但最最最最最基本你個手機要係 3G功能先接收到當地訊號。

打長途電話返香港的方法有好多,其中一種最富貴,而又最方便的方法,

一定係就咁用你個3G手機, 用+852 啦,不過方便而且又唔需用腦嘛,所以要好大代價啦,最高可以去到接近 $18一分鐘呢。

如果用回撥的方式就會好一點,但都唔平架播。

唔想用咁貴通話費,以下介紹其中兩個平一點的方法。

方法一 : 長途電話卡

首先,去便利店買長途電話卡,係其中一種方式。

Vivica手上所拿著的,就是由便利店買來的長途電話卡,你同店員講 Internation Phone Card 就可以架喇。

   

圖中就係由便利店所買到的國際電話卡,可選擇1000日元或 3000日元不等。但最低消費就要1000日元呢。

千萬不要錯誤理解成是把整張卡插入電話機內用,其實只是用張紙,寫個密碼比你,只不過做到好似張卡咁。

用的時候,整個過程,只係輸入應有的號碼就可以。如果你記性好的話,記著號碼之後,撕毀張卡也可以用到這個服務呢~~~

每張國際電話卡背面都有一組密碼,刮去之後就會出現,

留意下面的圖片,用紅圈畫的位置,其實只係代表你依家用緊什麼電話打。

由於做示範的這一刻,我們身處街上的綠色電話機的關係,

所以我們拿起電話筒之後,就依照卡上面的號碼輸入 006610,然後就再輸入每張卡都唔同的密碼 ( 綠色圈 ),

呢張卡密碼係 401 871 7594 ,接下來就係因為我地要打返香港,所以輸入香港地區字頭 852 ,最後就係輸入香港電話號碼。

即係整組所輸入的號碼是 : 

006610  401 871 7594  852 香港目的地號碼

通話和輸入號碼過程當中,聽筒內有日文或英文指示,好清楚架,你可放心使用。

以下時間,就由 Vivica 親自為大家介紹如何在公眾電話亭內的綠色國際電話機,

輸入該一堆電話號碼吧。

點擊正中的播放鍵開始。

方法二 : 100日元打返香港

如果你手上無3G手機,或者你連1000日元的電話卡都唔想買的話,

有第二種方法打長途電話返香港報平安,方法是在街上找圖中這類綠色的國際電話機,只需用100日元,

就可以打返香港架喇,方法係入錢後打以下一堆號碼

001 010 852 香港目的地電話號碼

但呢個方法的缺點係通話時間好短,只能真係報平安用,傾長D都無架,不過要節儉,無法啦。

以下時間,就由 Vivica 親自為大家介紹如何在公眾電話亭內的綠色國際電話機,

利用100日元打電話返香港,大家還可以知道用100日元,大約可通話幾耐呢,真係好短架炸~~~

點擊正中的播放鍵開始。

三色魚生飯

上一集和大家所講過的三色魚生飯店鋪,就係圖中呢個位置喇~~~那晚因為天黑的關係,加上好多路人行來行去,所以唔方便影相,

換上陽光普照的環境下,會清楚一D。呢一間食三色魚生飯的店鋪,係位於歌舞伎町中心點,

你睇附近有麥當勞就知道有幾就腳喇~~~若狹家係一間連鎖店來的,在其也熱門地點都有分店架。

 

透過以下短片,看看 Vivica 有什麼資料講比大家知丫~~

點擊正中的播放鍵開始。

當然如果你要同築地魚市場比較的話,若狹家一定無可能比得上築地架喇,莫講要比魚生,淨係麵豉湯都輸幾條街,真係唔係講笑架。

若狹家酒店附近就有一間,我無奶油日日去築地食魚生飯掛~~~

而且你唔好以為呢度D魚生飯好貴播,平均最好味最多料的都係大約 1000-1300日元一碗,以8算做參考匯價的話,大約 $80起。

如果唔想咁多料,可以食平一點吧, 690日元一碗都有交易架!大約 $60 港幣有找。

在日本消費來講,不算貴了,魚生飯啊~~~~

 以下可用360度球形觀景下上左右移動,可大約給大家知道有關目的地附近的環境。

可用滑鼠移動畫面 

 
 

地圖所示,紅圈位置,正是 若狹家 所在位置。

東京都新宿 歌舞伎町 1丁目 

 

藥房化菻~

女生來到日本,妳可以見到除了便利店之外,最最最最最多就係藥房,所謂藥房,大家去開日本的朋友都知道係掃化菻~的地方,

即係好似遊客來到香港,一定會去桌悅莎莎一樣,只不過日本叫藥房咁解吧。

嘿~~~Vivica來到藥房,佢真係可以行你成個鐘先走架,堶惘n多化菻~和護膚品,不過名牌子的話,就唔係想像中咁平,

返香港買都得,反而可以找一些香港無的牌子,或者化菪峔耤A試下新野都唔錯架。

就係因為試呢樣,試那樣,一個鐘好快返去呢~~~~

救命儲物柜

無論你是男生還是女生,當你經過大半日掃貨之後,十隻手指和手拖箱都掛滿大包小包的戰利品,

但還有數個城池你還未攻陷,你身上的戰利,絕對是你的包伏。這時你就需要去商場或 JR站,找圖中的儲物柜來救命。

200日元 ($16)- 600日元($48)不等收費的儲物柜,就如沙漠中見到陸地一樣,只要附出以上的費用,

就可以把所戰利品,123傾倒入去,空出雙手,然後再撲返入去同佢地再死過。

透過Vivica身軀做比例,你可以大約猜想到最大的這款儲物柜實物大小。當然有小的可以租用吧。

留意圖中右手邊印在柜上的收費提示呢,200日元救你一命啊~~~

 

看看Vivica以下的片段,就可以知道有關儲物柜的資料。

點擊正中的播放鍵開始。

出力呀Vivica~~~~走多轉就返得酒店架喇~~~

心水清的朋友一定會問,點解咁大個拖箱唔放下格,嘻嘻~~~因為遷就拍攝的角度和氣氛嘛~~~

真實使用的時候,一定選地下那一層呢~~~。

把戰利品一一入到儲物柜,

入錢後,把鎖匙一轉,然後抽出鎖匙,就可以好輕鬆再上路呢。

今次戰利品好多啊~~~~~但.....Vivica,請妳企返落來丫,仲有D戰利品未放上去,

妳唔落來,我放唔到上去的。

唔~~咁就齊晒喇~~~

一日涉谷,一日原宿,兩日的戰利品就係一次過放在床上面,影返張大合照先。

好開心呀~~~~~終於搵齊所有拍影集的衫和鞋了。

所有箱根和迪士尼海洋世界所用的衫,都一一買齊了,睡醒之後,就可以開始拍攝了。

接下來,我們就要大清早起床,出發喇~~~

這晚食完晚飯之後,就在街上散步,看看有什麼有趣的事物,

然後就回酒店,不停為新衫配襯,作為 迪士尼海洋世界 之用。

Vivica用最快的換衫速度,一件一件的穿上一次,在洗手間走來走去,每換一整套的衣服和鞋,都拍下照片,

看看實物的上身衫配什麼下身衫和那一對鞋比較適合,大家一起去襯衫和鞋,

不停的組合對換,開心的時間過得很快,當落實所有配好的衫之後,一共選了四套衫,看一看時間,是零晨 2:00呢。

雖然日本快香港一個小時,理論上身體時鐘是1:00,但明日要早起身,

加上之前一晚和Vivica都是談到零晨 2:00,而且行了一日也累啊。

松屋

除了三色飯之外,如果你唔想花太多錢在食方面,除了麵包之外,松屋係其中一個選擇。

而且你都無可能每日每餐都食三色飯或麵包呢,要食的話,有不少選擇。

松屋都係連鎖店來的,分店多到不得了,佢居然可以在同一區有三至四間,一點都唔出奇架。

你看看如圖的 歌舞伎町 範圍,就同時擁有兩間松屋,你就知道幾受歡迎呢。

不過你放心,一般都唔會好多人排晒隊的,我去親都有位座的,唔會浪費你時間去等等等........

以下可用360度球形觀景下上左右移動,可大約給大家知道有關目的地附近的環境。

可用滑鼠移動畫面


售票機

一步入店內,就有一部售票機,唔識日文一點問題都無,看圖識字,而且整個過程,

你都無需要和店員溝通,只要與面前呢部機溝通就可以。

機上面有好多款套餐和組合比你選擇。

有豬肉飯啦,牛肉飯啦,見到左手邊的圖片,內 字嗎? Vivica一見到就脫口而出咁話,她要食魚肉飯,哈哈哈~~~

呢個唔係魚的意思,係代表豬肉咁解。機上面有套餐,也有淨一碗叫。

你看看,淨一碗牛肉飯,普通的大小,380日元 ( 8算大約港幣 $30 ),唔食牛肉的話,當然可以選擇豬肉呢。

如果想豐富一點的話,可選擇套餐,有飯啦,有一隻生雞蛋,還有一碗湯。570日元 ( 8算大約港幣 $46 )

不如由 Vivica示範一次整個過買票程丫。

點擊正中的播放鍵開始。

選餐,入錢,出票,找錢,整個過程,無需和人滿通。

出票之後,就可以找位置坐,把票放在台面上,店員就會照票上的指示做,做完就會放到你面前。

卓面有清水可自幫飲用,無需加錢,還有調味醬都是在自己面前就拿得到。

由於日本太多美食的關係,只叫了一個牛肉飯,留返個肚,去其他地方食呢,

叫了一個如圖的牛肉飯套餐,我相信大家應該會接受到 570日元 ( 8算大約港幣 $46 ),有這些食物作為套餐吧。

而且松屋有咁多分店,如果質素差的話,無可能生存到今時今日吧。

以下時間就係由Vivica和大家分享呢個套餐入面有一些什麼食,當然仲有埋評價啦。

點擊正中的播放鍵開始。

 

 

第二集完 待續..........

 

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。