神奇四俠銀魔現身

神奇四俠銀魔現身

　發佈日期 : 2007年 6月18日

睇過神奇四俠第二集的預告片之後，就好想入電影院看這套電影，我對第一集的感覺好差，上次對我個人來講，

只係得兩段內容係睇得，其他全部都係講講講，講完再講。

今次睇第二集的預告片，見到內容比第一集多動作場面，所以有返信心，因為無乜可能會差得過上次嘛，

只要唔好差過上次就得架喇~~~~哈，我個人要求係咪好低呢?

上星期四第一日上畫，就在海運戲院睇這套神奇四俠銀魔現身，

整體感覺不錯，但係你話好好睇又唔係，最起碼他日出碟的話，我會買的。

片長 92 分鐘，唔需要帶個腦入場，只係希望見到動作場，對我呢類低智商的人來講好合口味。

今次片中有不少使人會心微笑的位置，我一一受落。

動作場面方面，一般啦，在預告片都睇得七七八八呢，最主要都係最尾那一段囉，他日都應該會係影音試機位置呢。

女主角的表現比上次好，不過今次唔知點解，有時她的樣好靚，但係有時又唔靚，

最唔靚係幾時?咪就係穿婚紗的時候囉，唔知係唔係個髮型問題呢?好老啊，不過其他做型就無問題。

噴火仔今集一樣都係咁靚仔，表現都係好好，不過唔知點解，

當銀魔第一次在神奇四俠面前出現時，在預告片內，噴火仔講左句大約係 : 我套禮服剛剛買架炸~~~

但我在電影院內看這一句時，對白給更換了，而呢一句對白，又唔知點解係無中文字幕架播，

加上他又講得快，我聽不到他講什麼，如果你們入場的話，幫我聽聽丫。

今集的特技做得唔錯，幾場破壞都市的場面都做得幾好，

英國的泰唔士河和魔天輪的災難都做得好好，在大畫面上看會吸引好多。

尾場就好比面啦，安排在我們中國的上海作為背景。

今集的主角銀魔做型，相信大家都唔會有什麼新鮮感喇，T2內大家都熟到不得了呢，

所以我唔覺得好吸引，片中的表現都係一般，無突出的表現。

全套戲我都滿意，他日出碟會買，絕不介意看多一次，就是我今次對這電影的評價了。

想睇預告片，當然係去 apple.com啦，點解唔去神奇四俠的官方網址睇?

因為 apple .com 提供下載預告片服務嘛 (如果你係Pro版的用家) 。丫~~講開又講，最近 apple.com 睇頂告片的主頁裝修過，

一次過Show更多預告片的縮圖出來，另外搜尋時更快得到要得到的預告片。

下載或直接收看神奇四俠銀魔現身的預告片網如下。

不過你都可以去一去神奇四俠的官方網址呢。

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。