正版 CD

發佈日期 : 2006年 12月19日

文：恭介

我家附近有一間唱片店，有時都會走入去「巡視業務」，不過由於那間店子的碟一般都會比旺角「貴幾蚊」，

而我就是因為這幾蚊，一直都是「搞搞震無幫襯」，這些逛唱片店的日子，給我不少歡樂時光，

情況好似很多朋友都鍾意逛 HMV，不過齋行無幫襯之嘛。

(沙田 HMV 已收皮，尖咀又縮晒水，九龍灣…唉…)

我是一個倫迷，Alan Tam 最近出了一隻名為「ALAN . 聽」的精選，但今次有點新意，揀選的都是一些 Side Track 精選，

4 CD 其中一隻更加是重新灌錄，還要搵真樂器加真樂師造音樂 (不是電腦 Mix 出來啊！)，Avon Studio 錄音，誠意滿分，

再加埋一隻 DVD，5 碟都是百餘元，真係無價講，買！

在唱片店中，手上得一隻 ALAN，好似好單薄，望望有沒有其他選擇，目標是想搵一些年青一些的，無理由又買倫伯，

又買蔡琴那麼老餅吧…我講到尾都是「 3 字頭的年青人」……

望住新歌手之中，我諗，我只係能夠揀到衛蘭，當然，王菀之都 OK，不過都是買左衛蘭先。

付款時，有隻衛蘭在手，感覺都年輕點。嘻~

我不得不否認，這個世界不論網上購物有幾方便，但是自己親身行街俾錢買東西才有一種無形的滿足感。

我已經好耐好耐無俾錢買 DVD 及 CD 了，以前我三日不到兩日就幾百幾百咁買碟，

現在這種感覺開始變得陌生， 自己也有點無奈。

是啊，我是故意「貴幾蚊」都買的，以後也是一樣，有碟都會到這間店子買，因為我知道，「買 CD /DVD」已經是「老餅」，

現今後生仔女，全部都是 DOWNLOAD…所以，隻碟是鍾意的話，我希望我的小小支持，

能夠令到這間成日讓我「巡視業務」的 DVD/CD 鋪不會關門大吉。

如果大家都是一有空就鍾意逛逛碟鋪的話，不如耐不耐都買一兩張貴碟，

支持一下，好讓這個行業就算如何萎縮都不至於收皮。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。