18元一個柔光罩

18元一個柔光罩

發佈日期 : 2005年 12月28日

昨晚收到 Chilli Media Ltd.的電郵，知道在12月30日星期五推出的三周年特別號

即第89期《DiGi數碼雙周》，跟書送柔光罩一個。

DiGi數碼雙周，每本$18港幣，不計書價，單以$18買一個柔光罩，真係非常抵買。

請原諒我還是覺得，無理由會送個柔光罩比我們的，所以推出的當日，我都會去買一個來試下，做返一個報導先得。

唔放心的朋友，可以等報告出左先落蹋.......咳咳Sorry....... (露出馬腳添)

應該係 : 唔放心的朋友，可以等報告出左先購買。

不吐不快

我想了很耐，究竟是否提大家有這個贈品，因為又會有人以為我收左雜誌廣告費而寫文章，

雖然我在招登廣告細則 (http://www.avbuzz.com/audio-video/200512/ro1224/index.htm) 上有寫明不會為錢寫文章，

但人言可畏，所以站在十字路口。

但剛剛想通了，很多 avbuzz.com讀者......Sorry，應該係很多 avbuzz.com的朋友，我是需要把這些資料告訴他們，

不應該為了一些別有用心的人，而使到我的朋友，因為我怕事，而少了這方面的資料。

我唔會因為別人話兩句，影響到我唔講比我的朋友知道有利的消息。

他們就算係鬧，都係鬧巴斯，又唔係鬧我，我身份証上面都唔係叫巴斯，而且我父母都唔係叫我做巴斯。

就算你落降頭的話，我本人都不會中降的，咁怕乜你鬧啊。

各位的太太和女朋友，都不時叫你唔好買玩具啦，你又有幾多次聽得入耳丫。

啊，難道我打幾隻字，影幾張相，你就會聽我講去買嗎?我有無咁大威力嗎，仲勁過她們嗎?

算吧，你就當我收了十萬九千七廣告費好了，不過我都係要講比我的朋友知道有這個贈品。

..........係播，如果我真係收了錢，咁又如何呢? 唔準的嗎?

係播，又真係無得唔準架播。哈!!!得左!!!舒服晒!!!

咦......但係，又有無人真係咁傻，比錢叫我寫文章呀，

咁同倒錢落海有乜分別呢?唔好低估人家的智慧吧，他們的錢，都是用智慧得回來的。

好，柔光罩報告再見吧，不過落蹋後的朋友...........Sorry，不過購買後的朋友，都希望你們講講買後的使用感覺和評價。

唔講咁多了，我現在要去問一問雜誌社，他們的讀者，萬一唔好彩，買了漏氣的柔光罩，有無得換返先得。

喂....DiGi主篇呀，(八婆語氣) 我呢，有個問題想問呀........咁樣呀..D人幾衰呀，個柔光罩萬一呢...(聲音遠去了。)

DiGi主篇 : 呀，巴斯，即係咁樣呀，你靜一靜好嗎?

我保証不會漏氣的，因為.....因為這個.........不是吹氣的，反而是可以帶著四圍去用的。

巴斯 :

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。